Инвестициското злато е благороден метал со кој денес најчесто се тргува. Воглавно, во инвестициските кругови тоа се смета како посакувана заштита (англ. hedge) од инфлација. Тоа претставува добар начин за зачувување на вредноста во ситуации кога вредноста на парите опаѓа.
Уште од најраниот период златото играло значајна улога во секоја цивилизација. Се користело како симбол за моќ, богатство, успех и чистота. Накитот и предметите изработени од овој метал имале голема вредност илјадници години.

Со развојот на општеството, златото е прифатено како универзално платежно средство.

Долгата монетарна традиција и употребливата вредност го ставиле во позиција на лидер во секторот на благородни метали и на една од најважните суровини. Во 2019 година биле продадени 4.355,7 тони злато насекаде низ светот. Вредноста на тоа злато била околу 200 милијарди долари.

Очекувано е побарувачката за овој материјал во 2020 година да ја надмине побарувачката од претходната. Купувањето злато, а со тоа и неговата цена, растат во време на финансиска криза и неизвесност. Затоа, најголемата количина на злато е продадена во 2011 година. Тогаш глобалната продажба изнесувала 7.730,5 тони злато.

Инвестициското злато станува најбарано во периоди на криза. Ова е последица на органичената понуда и потрошувачка која токму во тие ситуации ги достигнува највисоките нивоа. Затоа, секоја економска криза носи нова рекордна цена на златото. По кризата предизвикана од лошите станбени кредити, во 2011 година овој метал ја надмина цената од 1.900 долари за унца.

Последиците од пандемијата со коронавирусот во летото 2020 година за прв пат во историјата ја подигнаа цената на златото над 2.000 долари за унца.

Во време на криза скокот на цените е најизразен. Но, златото и надвор од кризните периоди остварува завиден раст. Од 1970 до 2020 година просечниот раст изнесувал 8 проценти годишно. Кумулативно, таквото зголемување на вредноста навистина е импресивно. Во средината на 1970-ите години златото вредело помалку од 100 долари за унца. Во летото, 2020 година цената за унца била поголема од 2.000 долари.

Поради ваквите приноси златото се смета како исклучително добра и сигурна долготрајна инвестиција. Меѓутоа, добрите познавачи на пазарот на благородни метали и во краток рок може да остварат значајно зголемување на средствата. На пример, во текот на 2020 година, цената на златото пораснала за високи 35 проценти.